وەزیرانی دەرەوەی ئێران و قەتەر رایانگەیاند کە کۆمەڵگەی نێودەوڵەتی و وڵاتانی مسوڵمان و عەرەبی دەبێت ڕێوشوێنی خێرا و کاریگەر بۆ هاوکاری خەڵکی غەززە بگرنەبەر.

عێراقچی وەزیری دەرەوەی ئێران سەبارەت بە دۆخی کارەساتبارانەی گەلی ستەملێکراوی فەلەستینی داگیرکراو لە غەززە لەگەڵ وەزیرانی دەرەوەی وڵاتانی ئیسلامی ڕاوێژی ئەنجام دا. هەروەها پەیوەندییەکی تەلەفۆنی لەگەڵ محەمەد بن عەبدولڕەحمان ئال سانی سەرۆکوەزیران و وەزیری دەرەوەی قەتەر ئەنجام دا.

لەم پەیوەندییە تەلەفۆنییەدا لایەنەکان بارودۆخی ئێستای غەززە و کەناری ڕۆژئاوایان هەڵسەنگاند. جەختیش لەوە کرایەوە کە پێویستە کۆمەڵگەی نێودەوڵەتی و وڵاتانی موسڵمان و عەرەبی هەنگاوی خێرا و کاریگەر بگرنەبەر بۆ هاوکاریکردنی خەڵکی مەزلومی غەززە و کۆتایی هێنان بە گەمارۆی خۆراک و دەرمان لە ناوچەکە و ڕاگرتنی جینۆساید.

وەزیری دەرەوەی ئێران لە سەر گرنگی هەڵوێستی هاوبەش لە لایەن وڵاتانی مسوڵمان و عەرەبی لە ڕێگەی بانگهێشتکردنی کۆبوونەوەیەکی بەپەلە ڕێکخراوی هاوکاری ئیسلامی جەختی کردەوە.

ناوبراو ڕایگەیاند کە کۆمەڵگەی نێودەوڵەتی دەبێت کۆتایی بە بێ سزایی رژێمی داگیرکەر بهێنێت و بە خێرایی تاوانبارانی سەهیۆنی بە تاوانی جەنگ و تاوانەکانی دژ بە مرۆڤایەتی دادگایی و سزای خۆیان بدەن.(İLKHA)